विचार
बम काण्डका दोषी को ? संजय कि जिवनाथ ? वा अरु !
Published Date : Jan 31, 2013
विनयकुमार,
हिंसाको कुनै निश्चित समय र अवधि हुँदैन् । तर हिंसाको परिदृष्य बडो भयानक हुन्छ । सबै हिंसामा सडकले मृतलाश खोज्दैन्, कुनै व्यक्तिले ठुलो लाभ र लोभको लागि निर्दोष मानिसहरुसँग सम्झौता गर्ने मात्र हो । कुनैपनि ठुलो परिवर्तन, बिना हिंसाले सम्भव नभएको इतिहासमा स्पष्ट छ । तर सबै हिंसाले ठुलो परिवर्तन ल्याउँछ भन्नु सरासर गलत हो । देश र समाजलाई आवश्यक परेको बेलामा आफैँ हिंसा माग्छ, झुठो लोकप्रिय र चर्चाको लागि कुनै एक व्यक्तिले निम्त्याइने हिंसाले सबैको अहित गर्छ ।
म आज गत वैशाख १८ गते जनकपुरमा भएको बम प्रकरणमा केन्द्रित हुँदैछु । यो त्यतिबेलाको कुरा हो, जब देशमा राई–लिम्बुले लिम्बुवान÷खम्बुवान राज्यको, थारुले थरुहट राज्यको, नेवारले नेवा राज्यको र मैथिलले मिथिला राज्यको लागि संघर्ष गरिरहेका थिए । देशैभरि विभिन्न राजनीतिक पार्टीहरुले आमहडतालको घोषणा गरेका थिए । सडकका पेटीमा सवारी–साधनको ठुलो लाम थियो । साना–तिना बम विष्फोट जस्ता घट्ना घटिहाल्नु सामान्य जस्तै बन्न लागेको कुरा मानसपटलमा ताजा होला । सर्वसाधारणहरुको जिवन दिनानुदिन कष्टकर बन्दै थियो । आ–आफ्ना हकअधिकार संविधानमा सुनिश्चित गर्न संविधानसभाबाट संविधान बन्ने समय नजिकिदै थियो । यो बितेका समयको एक सानो झलक (कास्टिङ) मात्र हो । म फेरी मुल कुरामै फर्किन चाहन्छु । वि.स. २०६९ साल बैशाख १८ सोमबारको कुरा हो । त्यसदिन मिथिला राज्य संघर्ष समितिले मिथिला राज्यको माग गर्दै रामानन्द चौकमा एसियाकै सबभन्दा ठुलो प्रवेशद्वार मुनि धर्ना दिदैँ थियो । बिहान १० बजेको समयमा धर्ना कार्यक्रममा एक्कासी बम विष्फोट भयो, जसमा चारजनाको घटनास्थलमै मृत्यु भयो भने एकजनाको उपचारको क्रममा काठमाडौँमा । ३२ जना घाइते भएको कुरा सबै–सबैमा स्मरणीय होला । आज मिथिलाकी कलाकार रञ्जुकी आत्मा कहाँ भटकिदैँ होला ? के विमलशरण, झगडु, सुरेश र दिपेन्द्रको आत्माले शान्ति पाएको होला ? भन्ने प्रश्न मेरो मनमा फेरी–फेरी खेलिन थालेको छ ।
केहि दिनअघि तराई टेलिभिजनमा जनकपुरको बम प्रकरण विषयमा समाचार सम्प्रेषण भएको कुराले राम्रै चर्चा बटुल्दै छ । मुलतः यस घटनाका मुख्य योजनाकार मानिने मुकेश चौधरी उर्फ अर्जुन सिंह फोनमा को सँग कुरा गर्दैछ ? भन्ने चासोको विषय बनेको छ । बनौटे अडियो टेप हो कि वास्तविक भनेर हरेक चियापसल र घरघरमा मन्थन हुँदैछ । टिटिभीबाट प्रसारित समाचारमा देखाइएको अडियो टेपले व्यापक चर्चा बटुल्नुको मुल कारण के हो भने त्यसमा पुर्वराज्यमन्त्री संजयकुमार साहको बोलीसँग मेलखाँदो आवाज छ । अडियो टेपमा सुरुमा हिन्दी, पछि मैथिली भाषाको प्रयोग गरिएको छ । अडियो टेपमा भएको कुराकानीको केहि अंश ः– प्रश्न–(अलिकति जोडले) मन्त्री जी बोल रहे है ? उत्तर– (विस्तारै) हँ यौ कहु न । प्रश्न–ऊ उइठे नहि रहल है आ ओहिठाम सय डेढसय लोग है ? उत्तर– भिडमे नहि करु... । प्रश्न–तब त रोकय परतै... । उत्तर– ओकरा केहनो कऽ साईड कराउ न । अच्छा...! विचारणीय कुरा के छ भने यहाँका कम्युटर अपरेटरहरुले अडियो टेप बनावटी र मिक्सिङ्ग भएको प्रमाणित गरिरहेका छन् । तर यहि टेपलाई आधार मानि मिथिला राज्य संघर्ष समितिले पुर्वमन्त्री साहको संलग्नता रहेको आरोप लगाएर पुनः जनकपुर तताउन लागिपरेका छन् । यता पुर्वमन्त्री साहले बदलिदो परिस्थितिमा प्रविधिको विकासले ल्याएको संकट भन्दै हरेक आरोपलाई कपोलकल्पित र निराधार रहेको बताएका छन् । माघ ४ मा मन्त्री साहकै पार्टी मधेश क्रान्ति फोरमले पत्रकार सम्मेलन गर्दै जिल्ला प्रहरी कार्यालय धनुषाले प्रमाणित गरेको कल विवरण बाँडेको छ । ‘जनकपुर बम प्रकरण’का जिम्मा लिएका मुख्य नाईके मुकेशले घटना हुनु पुर्व र पश्चात को–को सँग कुरा गरेको कल विवरणमा उल्लेख छ । नाईके मुकेशले ९८५४०२००१३ नम्बरको मोवाइलमा पटक–पटक कुरा गरेको र सो नम्बर रामानन्द युवा क्लवका पूर्वअध्यक्ष जीवनाथ चौधरीको नाउँमा रजिष्ट्रड रहेको ईन्सपेक्टर गोविन्द पुरी दाबी गर्छन् । पुर्वमन्त्री साह र कल्बका पुर्व अध्यक्ष चौधरीको यो ‘फिल्मी शैलीको खेल’ सबै–सबैमा जिज्ञासाको विषय बनेको छ ।
९ महिना पश्चात् चर्चामा आएको ‘जनकपुर बम प्रकरण’लाई लिएर मिथिला राज्य संघर्ष समितिले अध्यक्ष परमेश्वर कापडको नेतृत्वमा आन्दोलनलाई बढावा दिदैछन् । यस आन्दोलनले फेरी–फेरी हिंसा निम्त्याउँदैन भन्ने ग्यारेन्टी कसले गर्छ ? प्रोजेक्टरद्वारा अडियो टेप देखाइनु र सिडी वितरण गरिनुले हिंसा बढ्दैन भन्नु मुढतापुर्ण सोच मात्र हो । किनभने विगतमा नेपालगञ्जमा भएको द्वन्द्वको सिडीले नै मधेशमा आगो दन्कियो भन्ने कुरा सबैको मनमस्तिष्कमा अझै ताजा होला । तर मिथिला राज्य संघर्ष समितिका अध्यक्ष कापडि भन्छन्,–‘हाम्रो लडाई सरकारसँग छ, न त संजय साहसँग न त कुनै व्यक्ति विशेषसँग । यो आन्दोलनले हिंसा उब्जिदैन भन्ने मेरो मनमा लागेको छ ।’ तर प्रमुख जिल्ला अधिकारी हरिकृष्ण उपाध्याय भन्छन्,–‘घट्नाको छानविन सिबिआई, प्रहरी÷प्रशासनले गर्ने हो, हामीले अडियो टेप र सिडी वितरण गर्न भनेका छैनौँ, यो गलत क्रियाकलाप हो ।’
मैले अघि नै स्पष्ट पारिदिएको छु कि ‘हिंसाको कुनै निश्चित समयावधि हुँदैन ।’ रेडियो मधेशमा घनश्याम दाईले लिएको एक अन्र्तवार्तालाई सम्झिन्छु–‘संघर्ष समितिका अध्यक्ष कापडिलाई मधेश जागरण मञ्चका उमेशचन्द्र झाले, दोषी को हो ? त्यो तपाईलाई राम्रोसँग थाहा छ भन्दा कापडि अक्क न बक्क भएका थिए । झाले चुनौतीको शैलीमा–कसैले मेरो सुरक्षाको जिम्मेवारी लेयोस्, एक साताभित्र अपराधी पत्ता लगाईदिन्छु भन्दा कापडि रातो–पिरो भएका थिए ।
बम काण्डको दोषी को ? पुर्वमन्त्री संजय कि जिवनाथ वा अरु ? आखिर यस घट्नाको भिलेन को ? त्यो कसैले खुलेर भन्न नचाहनुको पिछाडी ‘मृत्युको घण्टी’ बज्न सक्छ भन्ने एउटा ‘भय’ हो । अध्यक्ष कापडि त्रिभुवन विश्वविद्यालय मैथिली विभागका केन्द्रिय अध्यक्ष, नेपाली मैथिली साहित्य परिषदका अध्यक्ष र जनकपुर बाट प्रकाशित हुने ‘धुवाधज्जा’ पत्रिकाका सम्पादक समेत छन् । यसरी प्रध्यापक जस्तो गरिमामय पदमा बस्ने कापडि राजनीतिक वृतमा जानुलाई कतिपय विश्लेषकले अनैतिक क्रियाकलाप भनेका छन् । मृत्युको भय सबै मानिसमा हुन्छन्, थोरै मानिस देश र समाजको लागि बाँच्ने गर्छन् । स्मरणीय रहोस्–सर्वसाधारण जनतालाई नेपालमा सजिलै सित भेडा बनाउन सकिन्छ भन्नेकुरा नयाँ होइन । नेता र वुद्धिजिवीहरुले जनतालाई मुखमा भेडा नभन्नु बेग्लै प्रसङ्ग बन्न सक्ला ।
जनताको पसिनालाई तराजुमा तौलेर खानेहरु दलगत भएपछि, सबै ठुला नाम बदनाम हुँदैछ । नामहरुमा पनि असमान हुँदैछ । सबै नाम स–सम्मान हुन्छ, कसैको ठुलो र सानो हुँदैन । जबकी चेतना र कर्मले नामको अर्थबोध गर्ने हो ।
अहिंसाका पुजारी महात्मा गान्धीको हिन्दीमा एउटा महावाक्य छ–‘पाप से घृणा करो, पापीयो से नहि ।’ हाम्रो समाजमा जानेर पनि कुनै मानिस नराम्रो बन्न चाहदैन, सबै राम्रो बन्न चाहन्छन् । बदमासलाई सुध्रिने मौका दिनुपर्छ, हामीले सुधार्न मार्गप्रशस्त गर्नुमा नै वुद्धिमता हुनेछ । पापीसँग पनि प्रेम गर्नुपर्छ, भनाईको मुल आशय हो । मेरो प्रश्न के छ भने यदि नसुध्रिएर फेरी–फेरी कु–कार्य गर्न लाग्दैछन भने समाजले पापीलाई मार्न के को हर्ज ? वर्तमान समयमा समाज र देशका लागि हिंसालाई पनि स्विकार गर्ने अहिंसावादीको खाँचो छ । अब आउने पिँढी र सन्ततीको लागि हिंसालाई स्विकार गर्ने समाजको जरुरी छ । अनि मात्र समाप्त हुनेछ ‘गुन्डाराज’ ।
अन्त्यमा, वर्तमान परिस्थितिमा समाजमा समाजिक क्रान्ति हुनु जरुरी छ । मिथिला राज्यको लागि संघर्ष गर्ने समयको हामीलाई अहिले खाँचो देखिदैन । जहाँ समाजको लागि क्रान्ति हुन्छ, त्याहाँ विकासको सम्भावना र आधारको पहिचान हुन्छ भन्ने बिसर्नु हुँदैन । हरेक समाजिक क्रान्तिले समाजमा रहेका विकृतिको जड उखाल्न मद्दत गर्छ । तर यसप्रति यहाँ बडे–बडेले पनि बेवास्ता गर्नु दुःखद कुरा हो । गहिरो तवरले बुझ्नुपर्ने कुरा के हो भने ‘समाजबाट लिनु ठुलो होईन, दिनु ठुलो हो भनी सबैले बुझ्न सक्नुपर्दछ ।’
 

प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

 

प्रतिक्रियाहरु



अरु समाचारहरु

रुचाईएका सामाग्री
ss
बेल निमन्त्रणा र शोभा यात्रा
महेशकुमार दास  महोतरी ४ कार्तिक वडा दशैंको अवसरमा महोत्तरीको विभिन्न शक्तिपीठहरुमा बेल निमन्त्रणका लागि आज शोभा यात्रा निकालेका छन् । जिल्लाको मटिहानी, जलेश्वर, पिपरा, गौशाला, रामगोपालपुर, सम्सी लगायतका ..
ss
महिलाको नजरमा पुरुष सेक्स मेसिन
एजेन्सी, जनकपुर, जेठ ११, सायद धेरै महिलाले यो सोँच्दछन् की पुरुषहरु सधैँ सेक्सका लागि तयार हुन्छन् । यो मान्यता २०÷२२ वर्षको तन्नेरीको हकमा त सही हुन सक्ला तर परिपक्व उमेरका अर्थात् पाको पुरुषको हकमा गलत सावित ..
ss
जनकपुर उपमहानगरपालिका प्रति नकारात्मक असर
धर्मराज, १८ चैत, जनकपुर ।  जनकपुर उपमहानगरपालिका ले नगरको फोहर उठाउन बन्द गरेको छ । उपमहानगरपालिका ले नगरको फोहर उठाउन बन्द गरेकोले अहिले जताजतै विभिन्न चौकमा फोहरको डुगंर जम्मा भएको छ।यस्ले गर्दा स्थानिय ..
ss
मधेशमा निर्वाचनको समस्या , प्रमुख निर्वाचन आयुक्त....
धर्मराज,४ चैत्र, जनकपुर । निवौचन कार्यालय धनषाले जिल्ला प्रशाशन कार्यालय मा स्थानिय निर्वाचन बारे डाकिएको बैठक मधेशी मोर्चाले बहिष्कार गरेको छ ।स्थानिय निर्वाचन बारे र प्रतिनिधिहरु तोक्ने समबन्धमा ..
ss
जनकपुर उपमहानगरपालिका को आवश्यक टेलिफोन र फैक्स बन्द
धर्मराज,  १७ चैत, जनकपुर । जनकपुर उपमहानगरपालिका को अति आवश्यक टेलिफोन र फैक्स बन्द अवस्थामा रहेको छ । आग लागी बखत को बेला खबर गरिने उपमहानगरपालिका को सब भन्दा महत्वपुर्ण नम्बर ०४१५२००११ को टेलीफोन सेट खराब ..
ss
१५ रानी, ३० बच्चा र १०० नौकर सहित भारत आए स्वाजीलैंड का राजा
जनकपुरखबर, कात्तिक १३ ,०७२।  नयाँ दिल्ली , भारत अफ्रीका शिखर सम्मेलन मा ५४ देशका प्रतिनिधिहरु भाग लिरहेका छन । यस्मा स्वाजीलैंड नाम गरेको गरीब देश को अमीर राजा मस्वाती तृतीय आफ्ना १५ रानी, ३० बच्चा र १०० नौकर सहित ..
अन्तर्वार्ता
ss सीमांकन बेइमान अमिनले खराब जमिनको कित्ताकाट गरे जस्तो
थारु र मधेसी मिल्दा तीन नेतालाई पीडा भएको छ----- तराई मधेस लोकतान्त्रिक पार्टीका सह-अध्यक्ष हृदयेश त्रिपाठी तार्किक नेता मानिन्छन् । संविधानको मस्यौदा एवं प्रदेशको सीमांकनलाई लिएर मधेसवादी नेतामाथि लागिरहेका ..
विचार
ss तरार्इमा चुनाव कि आन्दोलन ?
भरत लामिछाने......दोस्रो चरणको स्थानीय चुनावको मुखमा यतिबेला तराई(मधेसमा अन्यौलको वातावरण छ । एकातिर सरकारले तराईका जायज मागहरु पूरा गर्नुपर्ने दायित्व छ । अर्कातिर, सरकारको नियन्त्रण बाहिरको माग पूरा गराउन ..
ss रामेछापका बाहुन कसरी पुगे जनकपुर
विमल पोखरेल----- नेपालमा संघीय प्रदेशहरुको सीमांकन सम्वन्धी दलहरुको सहमति सार्वजनिक भएसँगै जनताहरु आ(आफ्ना प्रदेशका विशेषता, साँस्कृतिक पहिचान, आर्थिक सामथ्र्य र सम्भाब्य राजधानीको अवस्थितिलाई आधार बनाएर ..
रोचक विश्व
ss १५ रानी, ३० बच्चा र १०० नौकर सहित भारत आए स्वाजीलैंड का राजा
जनकपुरखबर, कात्तिक १३ ,०७२।  नयाँ दिल्ली , भारत अफ्रीका शिखर सम्मेलन मा ५४ देशका प्रतिनिधिहरु भाग लिरहेका छन । यस्मा स्वाजीलैंड नाम गरेको गरीब देश को अमीर राजा मस्वाती तृतीय आफ्ना १५ रानी, ३० बच्चा र १०० नौकर सहित इंडिया आएका छन ।खास कुरा के छन भने उनी १५ रानी, ३० बच्चा र १०० भन्दा अधिक नौकरहरुको साथ नयाँ दिल्ली को एक मंहगो होटलमा बसेका छन ।उनी माथी आफ्ना प्रतिनिधिमंडल का सरकारी सदस्यहरु लाई ..
ss जापान मा लिङ्ग मेला ।।
(एजेन्सी) जापानको कावासाकी शहरमा प्रत्येक वर्ष अप्रील ५ मा मनाईने लिङ्ग मेलाको आयोजना यस वर्ष पनि गरिएको छ । विश्वकै सबैभन्दा ठूलो लिङ्ग मेलाका रुपमा चर्चित सो मेलामा सबै सामानहरु पुरुष लिङ्ग जस्तै देखिने वस्तुहरु बोकेर पुरुष तथा महिलाहरु समेत सडकमा घुम्ने गर्छन् । मेलामा सहभागी महिलाहरुहरुले पुरुष लिङ्गको आकारमा बनाइएका ललिपपहरु चुस्दै खुल्लारुपले सडकमा हिंडछन । एक किवदन्ती ..
ss छालामा हुक खोपेर पार गर्र्दै १,७४७ फीट चौडाइको नदी
एजेन्सी , ट्यारोलिन ट्रेवर्स सामान्यतया पर्वतारोहण अथवा नदिहरुलाई पार गर्ने समयमा गरिन्छ । समस्या परेको बेलामा यसको उपयोग अझ बढि गरिन्छ । मात्र एउटा डोरीको सहायताले मानिसहरु गुरुत्वाकर्षणको प्रयोग गरेर एउटा अन्त्य देखि अर्को अन्त्य सम्म पुग्ने गर्दछन् । १९ औँ शताब्दिको अन्त्यमा आल्प्स श्रृंखलाको ट्यारोलिनमा यसको प्रयोग गरिएको थियो ।यसैलाई निरन्तरता दिदैँ २३ वर्षकी मारिया ..
अपिल