विचार
कहाँ पाउने जुद्धशमशेर जस्ता प्रधानमन्त्री ?
Published Date : May 01, 2015
–मणि शर्मा ,
२०७२ साल वैशाख १२ गते शनिबार। १९९० सालको महाप्रलयकारी भूकम्पीय विनाशपछि नेपालको इतिहासमा यो दोस्रो ठूलो प्राकृतिक विनाशलीला थियो। म परिवारसहित हेटौंडामा थिएँ। त्यो दिन दिउँसो टीभी हेर्दाहेर्दै एक्कासि बिजुली गयो र हामी बसेको सोफा झुलुंगा झैं हल्लिन थालेपछि भुइँचालो आएको थाहा पाएर भर्याङबाट झर्दा भर्याङ नै झुल झैं झुल्न थाल्यो।बल्ल–बल्ल सडकमा आएपछि पनि सडक हल्लिरहेको थियो। दुई दिनसम्म घरभित्र सुत्ने आँट परिवारको महिला र केटाकेटीमा आएन। सबै त्रसित थिए। मकवानपुर जिल्ला भूकम्पबाट प्रभावित भए पनि मिडियामा ठाउँ पाएन। कारण गृह प्रशासनले क्षतिको विवरण संकलन गर्ने काम नै गरेन । हेटौंडा बजारमै हताहत हुनेहरू थिए। नब्बे वर्षीया एकजना वृद्ध भुँइचालो आएपछि हर्ट अट्याक भएर बितेको खबर आयो। बजारभित्रै घर भत्किएर नगरवासीको वास तीन दिनसम्म खुला चउर र सडकमा थियो। तैपनि गृह प्रशासन न राहत वितरणमा लाग्यो, न त सहानुभूति प्रकट गर्न। मानिसहरू आफैँ पालको व्यवस्था गरेर बस्न बाध्य भए। त्यसमाथि वर्षाको प्रकोप। पसल दुई दिनसम्म खुलेनन्। तेस्रो दिन फाट्टफुट्ट खुले।शनिबार भुइँचालो गएपछि सोमबार मात्र जिल्ला प्रशासनले दैवी प्रकोप समितिको बैठक बसालेर सरकारी तथा गैरसरकारी संघसंस्थालाई मंगलबारदेखि भूकम्पले भएको क्षतिको विवरण संकलन गर्न पठाएको छ। राहत वितरण र उद्धार कार्य कहिले हुने हो अझै निश्चित छैन। मकवानपुर जिल्लाको ग्रामीण भेगमा भएको क्षति विकराल छ। घर भत्किएका छन्।अनुमानित रूपमा पैंतीस जनाजतिको मृत्यु भएको छ। पालुंगमा बाह्रजना सुत्केरीको बेहाल छ। त्रिभुवन राजपथको ठाउँठाउँमा वाटो भत्किएको छ। उसै त अप्ठ्यारो बाटो त्यसमाथि भूकम्पले सडकमा पारेको खाल्डो। कुनै बेला सवारी दुर्घटना हुने सम्भावना। बसामाढीमा कृषि विकास बैक हेटौंडाका कर्मचारी ऋण असुली गर्न एउटा ऋणीका घरमा पुगेर चाँडै ऋण रकम नबुझाए घर लिलामी हुने सूचना दिन्छन् भुइँचालो आउने केही समयपूर्व। ती कर्मचारीले मलाई सुनाउँदै भने, मैले घर लिलामी हुने सूचना दिएर अलि पर के गएको थिएँ भुइँचालो आएर ती ऋणीको घर गर्ल्यामगुर्लुम ढालिदिन्छ, म हेरेको हेरेकै भएँ। यस्ता धेरै ऋणी छन्, जो बैंकबाट कर्जा लिएर कर्जा तिर्न सकेका छैनन्। तिनीहरूको घर भुइँचालोले ध्वस्त पारेको छ। प्रायः सबै किसानको अन्नपात माटोमा मिस्सिएको छ। राज्यले यस्ता ऋणी किसानको ऋण मिनाहा गर्नुपर्छ। पीडित परिवारलाई यति गर्दा पनि घाउमा मलम लगाएसरह हुनेछ। अर्कोतिर यस वर्षको बिना मौसमको वर्षाले किसानको बाली पूरै ध्वस्त पारेको छ। भारतमा किसानले यो पडिा खप्न नसकेर आत्महत्या गरिरहेका छन्। तर नेपालीको मुटु दरो हुन्छ। जस्तोसुकै विपदालाई सहन सक्ने क्षमता हुन्छ। राज्यले दिएको पीडा खप्दाखप्दै नेपाली जनताको मुटु दरो भइसकेको छ। तैपनि यस्ता पीडित किसानलाई राज्यले राहत उपलब्ध गराउनुपर्ने हो, तर भ्रष्ट र नालायक सरकारले यतातिर ध्यान नै दिएन। जाजरकोट, कालीकोटलगायत जिल्लामा महामारीले जनतालाई मृत्युको मुखमा धकेल्दा पनि राज्यले कुनै राहत दिएन । लाग्छ, सरकार जनताका लागि नभएर केही मुठीभर भ्रष्टका लागि हो। झन् अब त महाभूकम्पले यी समस्या ओझेलमा पारिदिएको छ। सामान्य अवस्थामा जनतालाई राहत नदिने सरकारले अब त खाद्यान्न सखाप भएका र महामारीले ग्रसित जनतालाई राहत देला भनेर कल्पनै गर्न सकिन्न। नेपाली जनता राज्यविहीन भएका छन्। महाभूकम्पले घरवारविहीन भएकाले न त्रिपाल पाएका छन्, न त खाद्यान्न। काठमाडौंलाई नै नेपाल ठान्ने शासकको मनोवृत्तिमा गणतन्त्र आउँदासम्म परिवर्तन आएको छैन।
राजधानीमै समयमा उद्धार कार्य गर्न सरकार अक्षम भएकाले अकालमा सयौं मानिसको ज्यान गएको छ । राजधानीमै सरकार उद्धार तथा राहतकार्यमा असफल छ। मुलुकको दुर्गम ग्रामीण भेगमा सरकारबाट के आश गर्ने ?
सरकारले उद्धार टोली पठाउँदासम्म पुरिएर रहेक जिउँदा मानिसको पनि मृत्यु भइसकेको हुनेछ। जिल्लास्थित प्रशासन कार्यालय र रेडक्रसमाथिको मुख हेरेर बसेका छन्। अहिलेसम्म जनधनको क्षतिको विवरण संकलनमा ढिलाइ गरिरहेका छन्।लाग्छ, यो देशमा सरकार छैन। नेपालमा भुइँचालो गएपछि गरिने उद्धार, सहयोग तथा राहत कार्यका लागि भारत सरकारले दिउँसो दुई बजे नै मन्त्रिपरिषद्को आपत्कालीन बैठक बोलाएर निर्णय लिन्छ। कार्यवाहक प्रधानमन्त्री वामदेव गौतमको नेतृत्वको सरकारले राति आठ बजे मात्र मन्त्रिपरिषद्को बैठक डाक्छ। निर्णय लिन प्रधानमन्त्री सुशील कोइरालाको उपस्थिति चाहिन्छ। लोकतन्त्रमा सरकार जनताको हुन्छ भन्छन्। तर नेपालको लोकतन्त्रमा सरकार केही सुविधाभोगी भ्रष्टको हुन्छ।  मकवानपुरबाट बर्दिया फर्किंदा बाटोभरि जति मानिस भेटिए सबैले भने, यो महाभूकम्पले नेतालाई महादसैं ल्याइदिएको छ। आमजनताका लागि आएका महाभूकम्प नेताका लागि महादशैं नबनोस्। यसभन्दा पहिला आएका प्राकृतिक विपद्मा पनि राज्यले जनताको राहत र मुलुकको पुनर्निर्माणको लागि विदेशी मित्रले सहयोग गरेका थिए । तर सहयोग सदुपयोग हुन सकेको थिएन। अहिले त्यो नहोस् भन्ने कामना गर्नैपर्छ। अख्तियारले ह्वेल माछा समात्दैन केवल साना माछाको सिकार मात्र गर्छ । यो प्रमाणित भएकाले अख्तियारको आशा गर्नु आकाशको फलको आकांक्षा गर्नु हुनेछ।नब्बे सालमा भुइँचालो जाँदा लारी थरको एकजना व्यापारीले चामल बेच्दा पाथीमा चार पैसा बढी लिएकाले प्रधानमन्त्री जुद्धशमशेरले उनलाई देशनिकाला गरेका थिए । महँगो मूल्य लिने व्यापारीलाई पाँचजना साक्षी राखेर काटिदिने उर्दी जारी गरेका थिए। प्रजालाई सुलभ तरिकाले राहत वितरण गर्न जुद्धशमशेरको सरकारले सक्रियता देखाएको थियो। कुनै पनि व्यापारीले उपभोक्तालाई ठग्न पाएका थिएनन्। तर सुशील कोइरालाको सरकार कति निरीह छ भने बजारमा कालोबजारी हुँदा, प्रचलित मूल्यभन्दा धेरै बढी रकम लिएर सामान बेच्दा पनि व्यापारीलाई कारबाही गर्न सकेको छैन। सरकार भाषणमै सीमित छ, कारबाहीमा छैन। दुई–चारवटा साना व्यापारीलाई कारबाही गरेको देखाएर आफ्नो जिम्मेवारीबाट सरकार पन्छिने कोसिस गरिरहेको छ। यातायात व्यवसायीले चर्को बसभाडा लिँंदासमेत सरकार मौन छ। यसैले पनि महाविपत्ति केहीका लागि महादशैं बनेको छ। मानवीय संवेदनाहीन यस्ता व्यवसायीका लागि सरकार जुद्धशमशेरजस्तो हुनुपर्ने हो, तर त्यो आँट न सरकारमै छ, न त कुनै राजनीतिक दलका नेतामा। किनकि भोलि चुनावको बेला यिनै व्यापारी धेरै काम लाग्छ। नेपालीले अब कहाँ पाउने जुद्धशमशेर जस्ता प्रधानमन्त्री रु एकजना मित्रले शनिबार भूकम्प गएको दिनको एउटा रोचक घटना सुनाएका छन्। नेपालगन्जको एउटा मदिरालयमा एकजना मदिरापान गरिरहेका थियो। उसले आफ्नो मोबाइल टेबुलमाथि राखेको थियो । एक्कासि भुइँंचालो गएपछि मानिसहरू कराउँदै बाहिर निस्कन थाले। ऊ बसेको कुर्सी भूकम्पले हल्लिँदा ऊ पनि हल्लिन पुगेछ। आफू हल्लिएकोमा उसले भनेछ, अरू दिन दुई बोतल लगाउँदा मलाई नसा लाग्दैन्थ्यो, आज त आधा बोतलमै लागेछ। एकजना मानिसले उसलाई भुइँचालो आयो, बाहिर निस्कनुस् भन्दा उसले मदिराले भरिएको प्याला उठाउँदै हल्लिँदै बाहिर निस्क्यो। उसले आफ्नो मोबाइल टेबुलमा छोडेर आएको देखेर उसको छेउँमा उभिएको अर्को मानिसले उसलाई मोबाइल टेबुलमा छोडेर मदिराले भरिएको प्याला लिएर किन आएको भनेर सोध्यो। यो सुनेर उसले भन्यो, मोबाइल त आफ्नो ठाउँमा छ, कहाँ जान्छ र मदिरा टेबुलमा छोडेको भए कि त पोखिएर जान्थ्यो कि त अरूले नै खाइदिन्थे। नेताहरूका लागि पनि संविधान त आफ्नो ठाउँमा छ, कहाँ जान्छ र रु एक दिन त बन्ला, तर महाभूकम्पको नाउँमा आएको महादसैंको भोज फेरि कहाँ खान पाइन्छ ??
स्रोत–अन्नपुर्णा पोस्ट

प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

 

प्रतिक्रियाहरु



अरु समाचारहरु

रुचाईएका सामाग्री
ss
बेल निमन्त्रणा र शोभा यात्रा
महेशकुमार दास  महोतरी ४ कार्तिक वडा दशैंको अवसरमा महोत्तरीको विभिन्न शक्तिपीठहरुमा बेल निमन्त्रणका लागि आज शोभा यात्रा निकालेका छन् । जिल्लाको मटिहानी, जलेश्वर, पिपरा, गौशाला, रामगोपालपुर, सम्सी लगायतका ..
ss
महिलाको नजरमा पुरुष सेक्स मेसिन
एजेन्सी, जनकपुर, जेठ ११, सायद धेरै महिलाले यो सोँच्दछन् की पुरुषहरु सधैँ सेक्सका लागि तयार हुन्छन् । यो मान्यता २०÷२२ वर्षको तन्नेरीको हकमा त सही हुन सक्ला तर परिपक्व उमेरका अर्थात् पाको पुरुषको हकमा गलत सावित ..
ss
जनकपुर उपमहानगरपालिका प्रति नकारात्मक असर
धर्मराज, १८ चैत, जनकपुर ।  जनकपुर उपमहानगरपालिका ले नगरको फोहर उठाउन बन्द गरेको छ । उपमहानगरपालिका ले नगरको फोहर उठाउन बन्द गरेकोले अहिले जताजतै विभिन्न चौकमा फोहरको डुगंर जम्मा भएको छ।यस्ले गर्दा स्थानिय ..
ss
मधेशमा निर्वाचनको समस्या , प्रमुख निर्वाचन आयुक्त....
धर्मराज,४ चैत्र, जनकपुर । निवौचन कार्यालय धनषाले जिल्ला प्रशाशन कार्यालय मा स्थानिय निर्वाचन बारे डाकिएको बैठक मधेशी मोर्चाले बहिष्कार गरेको छ ।स्थानिय निर्वाचन बारे र प्रतिनिधिहरु तोक्ने समबन्धमा ..
ss
जनकपुर उपमहानगरपालिका को आवश्यक टेलिफोन र फैक्स बन्द
धर्मराज,  १७ चैत, जनकपुर । जनकपुर उपमहानगरपालिका को अति आवश्यक टेलिफोन र फैक्स बन्द अवस्थामा रहेको छ । आग लागी बखत को बेला खबर गरिने उपमहानगरपालिका को सब भन्दा महत्वपुर्ण नम्बर ०४१५२००११ को टेलीफोन सेट खराब ..
ss
१५ रानी, ३० बच्चा र १०० नौकर सहित भारत आए स्वाजीलैंड का राजा
जनकपुरखबर, कात्तिक १३ ,०७२।  नयाँ दिल्ली , भारत अफ्रीका शिखर सम्मेलन मा ५४ देशका प्रतिनिधिहरु भाग लिरहेका छन । यस्मा स्वाजीलैंड नाम गरेको गरीब देश को अमीर राजा मस्वाती तृतीय आफ्ना १५ रानी, ३० बच्चा र १०० नौकर सहित ..
अन्तर्वार्ता
ss सीमांकन बेइमान अमिनले खराब जमिनको कित्ताकाट गरे जस्तो
थारु र मधेसी मिल्दा तीन नेतालाई पीडा भएको छ----- तराई मधेस लोकतान्त्रिक पार्टीका सह-अध्यक्ष हृदयेश त्रिपाठी तार्किक नेता मानिन्छन् । संविधानको मस्यौदा एवं प्रदेशको सीमांकनलाई लिएर मधेसवादी नेतामाथि लागिरहेका ..
विचार
ss तरार्इमा चुनाव कि आन्दोलन ?
भरत लामिछाने......दोस्रो चरणको स्थानीय चुनावको मुखमा यतिबेला तराई(मधेसमा अन्यौलको वातावरण छ । एकातिर सरकारले तराईका जायज मागहरु पूरा गर्नुपर्ने दायित्व छ । अर्कातिर, सरकारको नियन्त्रण बाहिरको माग पूरा गराउन ..
ss रामेछापका बाहुन कसरी पुगे जनकपुर
विमल पोखरेल----- नेपालमा संघीय प्रदेशहरुको सीमांकन सम्वन्धी दलहरुको सहमति सार्वजनिक भएसँगै जनताहरु आ(आफ्ना प्रदेशका विशेषता, साँस्कृतिक पहिचान, आर्थिक सामथ्र्य र सम्भाब्य राजधानीको अवस्थितिलाई आधार बनाएर ..
रोचक विश्व
ss १५ रानी, ३० बच्चा र १०० नौकर सहित भारत आए स्वाजीलैंड का राजा
जनकपुरखबर, कात्तिक १३ ,०७२।  नयाँ दिल्ली , भारत अफ्रीका शिखर सम्मेलन मा ५४ देशका प्रतिनिधिहरु भाग लिरहेका छन । यस्मा स्वाजीलैंड नाम गरेको गरीब देश को अमीर राजा मस्वाती तृतीय आफ्ना १५ रानी, ३० बच्चा र १०० नौकर सहित इंडिया आएका छन ।खास कुरा के छन भने उनी १५ रानी, ३० बच्चा र १०० भन्दा अधिक नौकरहरुको साथ नयाँ दिल्ली को एक मंहगो होटलमा बसेका छन ।उनी माथी आफ्ना प्रतिनिधिमंडल का सरकारी सदस्यहरु लाई ..
ss जापान मा लिङ्ग मेला ।।
(एजेन्सी) जापानको कावासाकी शहरमा प्रत्येक वर्ष अप्रील ५ मा मनाईने लिङ्ग मेलाको आयोजना यस वर्ष पनि गरिएको छ । विश्वकै सबैभन्दा ठूलो लिङ्ग मेलाका रुपमा चर्चित सो मेलामा सबै सामानहरु पुरुष लिङ्ग जस्तै देखिने वस्तुहरु बोकेर पुरुष तथा महिलाहरु समेत सडकमा घुम्ने गर्छन् । मेलामा सहभागी महिलाहरुहरुले पुरुष लिङ्गको आकारमा बनाइएका ललिपपहरु चुस्दै खुल्लारुपले सडकमा हिंडछन । एक किवदन्ती ..
ss छालामा हुक खोपेर पार गर्र्दै १,७४७ फीट चौडाइको नदी
एजेन्सी , ट्यारोलिन ट्रेवर्स सामान्यतया पर्वतारोहण अथवा नदिहरुलाई पार गर्ने समयमा गरिन्छ । समस्या परेको बेलामा यसको उपयोग अझ बढि गरिन्छ । मात्र एउटा डोरीको सहायताले मानिसहरु गुरुत्वाकर्षणको प्रयोग गरेर एउटा अन्त्य देखि अर्को अन्त्य सम्म पुग्ने गर्दछन् । १९ औँ शताब्दिको अन्त्यमा आल्प्स श्रृंखलाको ट्यारोलिनमा यसको प्रयोग गरिएको थियो ।यसैलाई निरन्तरता दिदैँ २३ वर्षकी मारिया ..
अपिल